![გალაკტიონ ტაბიძე რკინის მკვნეტელი ..](http://i0.wp.com/scroll.ge/wp-content/uploads/2023/11/გალაკტიონ-ტაბიძე-რკინის-მკვნეტელი-...jpg?fit=640%2C360&ssl=1)
პოეზია
გალაკტიონ ტაბიძე რკინის მკვნეტელი ..
რკინის მკვნეტელი, რკინის მტეხელი –
აი ვინ არის შინატეხელი.
მას უყვარს ღვინო ტკბილად სასმელი.
ჩაქუჩი, წიგნი და ფეხსაცმელი.
როდესაც ხელში ჩაქუჩს აიღებს,
თუ რომ წვიმაა – ის გადაიღებს.
როდესაც ხელში წიგნი ექნება,
იცის სიცოცხლის გზა და შეგნება.
მაგრამ როდესაც გადაჰკრავს ღვინოს,
მასთან რომელმა არ მოილხინოს?
დასძახებს ლექსებს, მომეცით ხელი.
აი, ვინ არის შინატეხელი.