Hi-Tech

დღესდღეობით არსებული პიროვნების იდენტიფიკაციის ყველა სისტემა ემყარება ადამიანის უნიკალურ მახასიათებლებს, როგორებიცაა თითის ანაბეჭდები, სახე და მოძრაობის მანერა. თუმცა, ცოტამ თუ…

ემირატების ხელისუფლებამ გახსნა მზის ელექტრო სადგური, რომლის სიმძლავრე 1.18 გიგავატია. მსოფლიოს წინა რეკორდსმენი სადგურის სიმძლავრე კი, რომელიც აშშ-შია განთავსებული, მხოლოდ 569 მეგავატს შეადგენს.  ელექტროსადგური Noor Abu Dhabi, როგორც მოსალოდნელია, ელექტროენერგიით უზრუნველყოფს არაბთა ემირატების დედაქალაქის 90 ათას მაცხოვრებელს და საშუალებას მისცემს შემცირდეს ნახშირორჟანგის გამოყოფა წელიწადში 1 მლნ მეტრული ტონით. პროექტის ავტორის შეფასებით, ეს მაჩვენებელი ეკვივალენტურია იმ გამონაბოლქვისა, რასაც წელიწადში 200 ათასი ავტომობილი გამოყოფს.   ქვეყნის ხელისუფლება აღნიშნავს, რომ სამომავლოდ იგეგმება ნავთობის მოპოვების მასშტაბების შემცირება, რათა დაბალანსდეს ბაზარი, ასევე გამონაბოლქვი და ნარჩენი მასალებიც. თუმცა ქვეყნის ეკონომიკა ძველებურად კვლავ მეტად დამოკიდებულია ნახშირწყალბადზე.  გავრცელებული ინფორმაციით, 2020 წლისთვის სამხრეთ კორეაშიც უნდა აიგოს მზის სადგური 3 გიგავატი სიმძლავრით. ჯამში ქვეყანას გამიზნული აქვს 2030 წლისთვის მზად ჰქონდეს 30,8-გიგავატიანი მზის ელექტროსადგური.  ალტერნატიული ენერგიის წყაროებიდან აღსანიშნავია ქარის ენერგიაც: საერთაშორისო ენერგეტიკული სააგენტოს აღმასრულებელი დირექტორის თქმით ევროპაში 2027 წლისთვის ქარის ენერგია დომინანტი წყარო იქნება. 

Toyota იწყებს Prius-ისთვის ახალი მზის პანელებიანი სახურავის ტესტირებას, რომელიც, კომპანიის თქმით, 44.5 კილომეტრი მანძილის გავლის მარაგს დაუმატებს ჰიბრიდულ ელექტრომობილს. მზის ელემენტები, რომელსაც Sharp აწარმოებს, მხოლოდ 0.03 მმ სისქისაა, თუმცა უზრუნველყოფს დაახლოებით 860 ვატ სიმძლავრეს და შეუძლია დატენოს ელექტრომობილი მოძრაობის პერიოდშიც. საყოველთაო გამოყენების გზებზე პანელების გამოცდა მიმდინარე თვეში დაიწყება, თუმცა ჯერჯერობით არ არის ცნობილი, როდის გამოვა კომერციულ წარმოებაში ასეთი ავტომობილი.  ეს პირველი შემთხვევა არ გახლავთ, როდესაც Toyota თავის ავტომობილებში მზის ელემენტებს იყენებს. ჯერ კიდევ 2010 წელს კომპანიამ გაყიდვაში გაუშვა პანელები, რომლებიც გამოიყენებოდა ავტომობილის აკუმულატორის დამხმარე დამტენად. განსხვავება ის არის, რომ ახალი პანელები ბევრად ეფექტურია. ისინი გამოიმუშავებენ წინა მოდელზე ხუთჯერ მეტ ენერგიას, შედეგად კი შვიდჯერ იზრდება მოქმედების ხანგრძლივობა.  Toyota ამჟამად არ აწარმოებს „სუფთა“ ელექტრომობილებს (თუკი არ ჩავთვლით წყალბადზე მომუშავე Mirai-ს), ასე რომ მზის პანელები ამჯერად განკუთვნილია მხოლოდ ჰიბრიდებისთვის. Toyota-მ ახსნა თავისი გადაწყვეტილება, თუ რატომ არის ჰიბრიდებზე კონცენტრირებული – კომპანიის აზრით, თუკი გამოიყენებს თავის საწარმოო ძალებს დიდი რაოდენობით ჰიბრიდების გამოშვებისთვის, ამით იმაზე უფრო ეფექტურად შემცირდება მავნე აირების გამოყოფა, ვიდრე იმ შემთხვევაში, კომპანიას რომ სუფთა ელექტრომობილები ეწარმოებინა (საწარმოო ძალები ჯერჯერობით არ ჰყოფნის სუფთა ელექტრომობილების მასშტაბურ წარმოებას). თუმცა ისიც აღსანიშნავია, რომ კომპანიას აქვს მთლიანად ელექტრო პლატფორმაზე მუშაობის გეგმაც: Subaru-სთან გამოცხადდა პარტნიორული შეთანხმება და შესაძლოა Toyota-ს მთლიანად ელექტრო ავტომობილი მიმდინარე წლის ბოლოსკენ გამოვიდეს. 

მოსალოდნელი იყო, რომ მას შემდეგ, რაც ელექტრო ტრანსპორტი გამოვიდოდა, მას მოჰყვებოდა კიდევ ერთი გადასვლა ელექტობისკენ, ამჯერად საჰაერო საქმიანობის სფეროში. Tesla გვპირდება, რომ ხუთ წელიწადში ელექტროძრავიანი ვერტმფრენები იფრენენ – აღარანაირი ნავთი.  ასეთ ზუსტ ვადას მასკი იმით ხსნის, რომ დღესდღეობით უბრალოდ შეუძლებელია შეიქმნას მსგავსი მოდელი: არ არსებობს საკმარისი სიმძლავრის აკუმულატორები და ფრენის ხანგრძლივობა მეტად მცირე იქნება. მასკი ჯერ კიდევ ათი წლის წინ ატარებდა გამოთვლებს, საიდანაც ჩანს: იმისათვის, რომ ნავთს კონკურენცია გაუწიოს, საჭიროა დაახლოებით 400 ვტს/კმ სიმჭიდროვის მქონე ლითიუმ-იონური აკუმულატორი. დღესდღეობით ეს მაჩვენებელი 300 ვტს/კმ-ია.  რადგან მასკმა ასეთი ხმამაღალი განცხადების გაკეთება გადაწყვიტა, როგორც ჩანს, ამის საფუძველიც გააჩნია. შესაძლოა რაიმე მსგავსი ვერტმფრენის დაპროექტებაზე მუშაობა უკვე დაწყებულია, თუმცა კონკრეტულ შედეგებს უახლოეს წლებში არ უნდა ველოდოთ. 

ხედავთ ოთახში მცოცავ ობობებს და პანიკა გეწყებათ? – თქვენ არაქნოფობია გაქვთ. ვერ იძინებთ სინათლის გარეშე? – ეს ნიკტოფილიაა, სიბნელის შიში. არსებობს უფრო ეგზოტიკური…

ვაკუუმ-მატარებელ Hyperloop-ის კაფსულის პროექტმა, რომელიც შემუშავებულია მიუნჰენის ტექნიკური უნივერსიტეტის სტუდენტების მიერ, SpaceX Hyperloop Pod კონკურსის მსვლელობისას სიჩქარის ახალი რეკორდი დაამყარა – 463 კილომეტრი…

5 ივლისს 25 წელი შესრულდა მას შემდეგ, რაც ჯეფ ბეზოსმა ონლაინ-წიგნების მაღაზია გახსნა. წლების შემდეგ კი AMAZON მსოფლიოში უმსხვილეს ონლაინ-პლატფორმად იქცა, სადაც აბსოლუტურად ყველაფრის ყიდვაა…

ჩინელმა მეცნიერებმა და ინჟინრებმა დაასრულეს პირველი მარსმავალის აწყობა, იგი სამეცნიერო-კვლევითი მისიით წითელ პლანეტაზე 2020 წელს უნდა გაემგზავროს. მისია მოიცავს ორბიტაზე გასვლას, მარსზე…

ფანტასტიკის ჟანრის ნაწარმოებებში ხშირად ვხვდებით სხვადასხვა ელემენტისა და  ნივთიერებების აღწერილობებს, რომელთა გამოყენებით კაცობრიობა ახდენს მკვეთრ ნახტომს ტექნოლოგიურ განვითარებაში. რეალურ ცხოვრებაში საქმე გაცილებით რთულადაა,…