![გალაკტიონ ტაბიძე](http://i0.wp.com/scroll.ge/wp-content/uploads/2020/07/გალაკტიონ-ტაბიძე.jpg?fit=512%2C394&ssl=1)
ლიტერატურაპოეზია
გალაკტიონ ტაბიძე – ჩვენი კოდორი
ღრუბლები შორი, აფრები შორი,
ახლო ხმაურობს ჩქარი კოდორი,
აგე, კოდორით აფრინდა ქორი –
ააქვს სისწრაფე… მერე როგორი!
და როდესაც ზღვას სწვდება ეს თქორი,
მსწრაფლ დადინჯდება ჩქარი კოდორი.
მირხევა მდორე, ტალღებიც მდორე
და დამშვიდების ზვირთი მეორე.
არა ამაოდ დუღდა კოდორი,
არა ამაოდ გასჭრა მთა-გორი.
იმ დროის არა ერთი და ორი
დარჩეს სიბერეს ხსოვნა-ამბორი.
მოგონებების არის ეს ტბორი:
რა ბედნიერი არის კოდორი!