![](http://i0.wp.com/scroll.ge/wp-content/uploads/2020/05/ელექტრობაიკი-HIMO-Z16-Xiaomi-სგან-80-კმ-გავლის-მარაგი-LCD-დისპლეი-და-სიჩქარის-სამი-რეჟიმი.png?fit=800%2C400&ssl=1)
ელექტრობაიკი HIMO Z16 Xiaomi-სგან: 80 კმ გავლის მარაგი, LCD-დისპლეი და სიჩქარის სამი რეჟიმი
Xiaomi-ს ქრაუდფანდინგ-პლატფორმა Youpin-ზე მიმდინარეობს თანხის შეგროვება დასაკეცი ელექტრო ველოსიპედ HIMO Z16-ის გამოშვებისთვის.
ველოსიპედს აქვს 10 000 მა/სთ მოცულობის ლითიუმ-იონური აკუმულატორი, რომლის მოხსნა და შეცვლა შესაძლებელია ისევე, როგორც ავტომობილის შემთხვევაში. როგორც მწარმოებელი აცხადებს, სრულად დამუხტული ბატარეა უზრუნველყოფს დაახლოებით 80 კმ მანძილის გავლას, თუმცა ველოსიპედის გამოსვლამდე ცვლილებები მოსალოდნელია.
HIMO Z16-ის კონსტრუქცია სამ ნაწილად იყოფა: საჭე, ცენტრალური ნაწილი და მუხრუჭები. ამგვარი დაყოფის წყალობით შესაძლებელია ველოსიპედის დაკეცვა, იგი გახდება ბევრად კომპაქტური და შესაძლებელი იქნება მისი გადატანა ავტომობილის საბარგულით.
![image.png](http://i0.wp.com/scroll.ge/wp-content/uploads/2020/05/image.thumb_.png.ae3d2ed5950287ca86de591f7a0074f0.png?w=780&ssl=1)
![image.png](http://i0.wp.com/scroll.ge/wp-content/uploads/2020/05/image.png.51a18b89b07667d3af11eeb6c45d7689.png?w=780&ssl=1)
ველოსიპედი დაახლოებით 22.5 კილოგრამს იწონის და შეუძლია 100 კგ-მდე წონის ადამიანის ტრანსპორტირება, აქვს სიჩქარის სამი რეჟიმი, მაქსიმალური სიჩქარეა 25 კმ/სთ.
რაც შეეხება დისპლეის, HIMO Z16-ს ექნება IPX7 სტანდარტით წყლისა და მტვრისგან დაცული LCD დისპლეი, რომელზეც აისახება სხვადასხვა ინფორმაცია: არსებული სიჩქარე, ველოსიპედის ჯამური გარბენი, ბატარეის დამუხტვის დონე და ცნობები შესაძლო გაუმართაობის შესახებ. დამუხრუჭება ხორციელდება ორმაგი დისკური სამუხრუჭე სისტემით, საბურავები ცვეთისადმი მდგრადია და დიდხანს ძლებს.
![image.png](http://i0.wp.com/scroll.ge/wp-content/uploads/2020/05/image.png.6096c3eb4d5f6bf6b7876bf7c3f4bb32.png?w=780&ssl=1)
ჯერჯერობით, სანამ ქრაუდფანდინგი მიმდინარეობს, HIMO Z16-ის ფასი 352 აშშ დოლარია, რაც არც ისე ძვირია ასეთი მახასიათებლების მქონე ველოსიპედისთვის. შეკვეთისას მომხმარებელი შეძლებს არჩევანი გააკეთოს ყვითელ, თეთრ ან ცისფერ ვარიანტებს შორის.
![image.png](http://i0.wp.com/scroll.ge/wp-content/uploads/2020/05/image.thumb_.png.492e570aa0de566e46689473baef35fa.png?w=780&ssl=1)