Google გაამკაცრებს კრიპტო სერვისების რეკლამირების წესებს ევროპაში
კრიპტოვალუტის ბირჟები, საფულეები და სერვისები, რომლებიც არეკლამებენ თავიანთ პროდუქტებსა და სერვისებს ევროპაში, უნდა იყვნენ ლიცენზირებული ევროპული მარეგულირებლის მიერ და დამოწმებული Google-ის მიერ (NASDAQ:GOOGL). რეკლამის განმთავსებლებისთვის ახალი პოლიტიკა ვრცელდება ევროპის უმეტეს ქვეყნებზე, მათ შორისაა ავსტრია, ბელგია, ბულგარეთი, ხორვატია, კვიპროსი, ჩეხეთი, დანია, ესტონეთი, ფინეთი, საფრანგეთი, გერმანია, საბერძნეთი, უნგრეთი, ირლანდია, იტალია, ლატვია, ლიტვა, ლუქსემბურგი, მალტა, ნიდერლანდები, პოლონეთი, პორტუგალია, რუმინეთი, სლოვაკეთი და სლოვენია.
დარღვევების შემთხვევაში რეკლამის განმთავსებლის ანგარიში დაუყოვნებლივ არ დაიბლოკება – მფლობელი პირველ რიგში გაფრთხილებას მიიღებს. შეტყობინებები უნდა გაიგზავნოს დაბლოკვამდე მინიმუმ შვიდი დღით ადრე. Google-ის პოლიტიკის ცვლილება კრიპტო რეკლამებთან დაკავშირებით დაიწყო მას შემდეგ, რაც კანონპროექტი MiCA შევიდა ძალაში 2024 წლის დეკემბრის ბოლოს. ეს კანონი არეგულირებს კრიპტო კომპანიების საქმიანობას და ციფრული აქტივების მიმოქცევას ევროკავშირში.
კრიპტობირჟა Bitget-ის გენერალურმა იურიდიულმა მრჩეველმა Hon Ng-მა Google-ის ახალ მოთხოვნებს უწოდა კრიპტოვალუტის რეკლამის მიმართ „ორმაგი მახვილი“. ერთი მხრივ, ისინი მიზნად ისახავს ინვესტორების დაცვას „ნაცრისფერ ზონაში“ მოქმედი კრიპტო ინდუსტრიის არარეგულირებული მონაწილეების „გაფილტვრით“. ამან უნდა აღმოფხვრას თაღლითობა, მათ შორის ICO-ებთან. მეორე მხრივ, სარეკლამო მკაცრმა მოთხოვნებმა შეიძლება შეზღუდოს ბაზრის განვითარება, რადგან კომპანიების ლიცენზირების წესები განსხვავდება ევროპის ქვეყნებში. მცირე ბირჟებს შეიძლება გაუჭირდეს MiCA-ს კაპიტალთან დაკავშირებული მოთხოვნების შესრულება (15000-დან 150000 ევრომდე), განაცხდა იურისტმა.
მარტში,Google-მა სამხრეთ კორეაში შეზღუდა წვდომა 17 კრიპტო ბირჟაზე, რომლებიც არ იყვნენ რეგისტრირებული ადგილობრივ მარეგულირებელთან. ამავდროულად, კომპანიამ დაუშვა კრიპტოვალუტების რეკლამა არაბეთის გაერთიანებულ ემირატებში ადგილობრივი ლიცენზიის მქონე კრიპტო სერვისის პროვაიდერებისთვის.
