პოეზია

გალაკტიონ ტაბიძე ჩვენ, არა ერთი ცხოვრების კიდე..

ციკლიდან „პაციფიზმი“

ჩვენ არა ერთი
ვიპოვეთ კიდევ
ცხოვრების კიდე!
ჩვენ ქარხნის ბოლი
გვიყვარს ქალაქთა –
არა სიმშვიდე!
ბრძოლას შრომისთვის,
კლასიურ ბრძოლას,
რა დააწყნარებს?
ის ეძებს გზებს, რომ
თავისუფალი
მიაწყდეს კარებს.
მხოლოდ ბრძოლაზე
გვესაუბრება
ქურათა გროვა,
უფლება მისთვის
უმაგალითო
მოვა, დრო მოვა.
ყოფილა დიდი
უსამართლობა –
გამათხოვრება.
მხოლოდ ბრძოლაში
მთელი ცხოვრება –
არის ცხოვრება!

Facebook Notice for EU! You need to login to view and post FB Comments!

Related Articles

კომენტარის დამატება

Back to top button