სიტყვები შენი სიცოცხლისა და სიხარულის მომცემია,
ჩემი სულის დარბაზებში ახალი არსებები შემოიჭრნენ,
შენი სიტყვებით ახლად დაიბადნენ,გაცოცხლდნენ,
თითქოს ღმერთმა დასძრა ამდენხანს დადუმებული ენა,
თითქოს წყალი ,სიცოცხლის წყალი ჩამოიქცა სულის ბნელ ჭერში
და გადარეცხა,გაახასხასა საგნები,ჩემი სევდით დაბნელებული,
სიცოცხლის აღდგომა მარადიულ ახლაში,
ბნელი მიწიდან გამოანათა დაკარგულმა ედემმა,
დრო შიგნით შემოიქცა,კი არ გადიოდა…
მისი წრეები შედგნენ შენი სახით, შენი სიტყვებით.
