![გალაკტიონ ტაბიძე](http://i0.wp.com/scroll.ge/wp-content/uploads/2020/11/გალაკტიონ-ტაბიძე.jpg?fit=1000%2C1297&ssl=1)
პოეზია
გალაკტიონ ტაბიძე – ხალხური მოტივებიდან
შენი თვალები – მაღლები –
სამხრეთის ზღვების ფერია,
კბილები – თეთრი ძაღლები –
მიღრენენ, არაფერია.
მოგონებებში წასული
შენს ბაგეს დავეხარბები,
ოცნების ორი ასული –
გადაწოლილან წარბები.
გადაუთიბავთ თივები,
რომ გითხრა – დამემდურები!
გულაღმა წევან ტივები
და მთები უდაბურები.
მთვარეს ჩვენი ხმა გაეგო,
თითქო შუქ-აკანკალებით,
ჩვენს აივანზე დაეგო
რჩეული ოქროს ხალები.