![](http://i0.wp.com/scroll.ge/wp-content/uploads/2020/08/2020-წლის-პირველი-ნახევრის-AnTuTu-რეიტინგი-ყველაზე-მძლავრი-ჩიპები-სმარტფონებისთვის.jpeg?fit=750%2C457&ssl=1)
2020 წლის პირველი ნახევრის AnTuTu-რეიტინგი: ყველაზე მძლავრი ჩიპები სმარტფონებისთვის
გასულ კვირას ბენჩმარკ Antutu-ზე გამოქვეყნდა ივლისის ყველაზე მაღალი წარმადობის სმარტფონები ოპერაციული სისტემა Android-ით. ამჯერად კი წარმოდგენილია მიმდინარე წლის პირველი ნახევრის ყველაზე მძლავრი მობილური პროცესორების ჩამონათვალი.
![image.jpeg](http://i0.wp.com/scroll.ge/wp-content/uploads/2020/08/image.jpeg.da40197eed16efc59fb6e9bf98c4061b.jpeg?w=780&ssl=1)
უპირობო ლიდერია Qualcomm Snapdragon 865. ეს ჩიპი მოიცავს რვა Kryo 585 ბირთვს ტაქტის სიხშირით – 2.84 გჰც-მდე, ასევე გრაფიკულ ამაჩქარებელს – Adreno 650. უნდა აღინიშნოს, რომ Snapdragon 865 სმარტფონებისთვის განკუთვნილ სხვა მაღალი დონის ჩიპებს აღემატება როგორც გამოთვლილი, ისე გრაფიკუი პროცესორის წარმადობით.
მეორე ადგილზეა MediaTek-ის ფლაგმანური პროცესორი Dimensity 1000+ ინტეგრირებული 5G მოდემით. მესამე ადგილზეა Qualcomm-ის კიდევ ერთი ჩიპი – გასულ წელს გამოსული Snapdragon 855 Plus.
![image.jpeg](http://i0.wp.com/scroll.ge/wp-content/uploads/2020/08/image.thumb_.jpeg.ea39898f6e3e645db044ed92582bc6f6.jpeg?w=780&ssl=1)
რეიტინგი მეოთხე ადგილიდან მეათემდე:
- Huawei HiSilicon Kirin 990 5G;
- Qualcomm Snapdragon 855;
- Huawei HiSilicon Kirin 990;
- MediaTek Dimensity 1000L;
- Huawei HiSilicon Kirin 980;
- Huawei HiSilicon Kirin 985 5G;
- MediaTek Dimensity 820.
ამრიგად, რეიტინგში შევიდა Qualcomm-ისა და MediaTek-ის სამი პროცესორი, აგრეთვე Huawei HiSilicon-ის ოთხი ჩიპი. მიმდინარე წლის მომდევნო ექვსი თვის რეიტინგში, დიდი ალბათობით, ლიდერი იქნება Snapdragon 865 Plus, რომელიც 3.09 გჰც-მდე სიხშირეზე იმუშავებს.