OpenAI-მ გამოუშვა GPT-4.5, ხელოვნური ინტელექტის მისი ყველაზე მოწინავე და დიდი ენის მოდელი (LLM). დეველოპერი ამ ვერსიას უწოდებს „ჯერჯერობით ყველაზე მცოდნე მოდელს“, მაგრამ აცხადებს, რომ GPT-4.5 არ არის დიდი გარღვევა და შეიძლება არ მუშაობდეს ისე, როგორც o1 ან o3-mini, რომლებსაც მსჯელობის შესაძლებლობები გააჩნია. 

ფოტოს წყარო: OpenAI 

GPT-4.5 გთავაზობთ გაუმჯობესებულ წერის უნარებს, უკეთეს ცოდნას მსოფლიოს შესახებ და როგორც OpenAI უწოდებს - „გაუმჯობესებულ ინდივიდუალურობას წინა მოდელებთან შედარებით“. კომპანია ირწმუნება, რომ GPT-4.5-თან ურთიერთქმედება უფრო „ბუნებრივი“ იქნება და აღნიშნავს, რომ მოდელი უკეთესია შაბლონების ამოცნობასა და ურთიერთობების იდენტიფიცირებაში, რაც მას იდეალურს ხდის წერისთვის, პროგრამირებისა და „რეალური პრობლემების გადაჭრისთვის“. 

თუმცა, OpenAI-მ განაცხადა, რომ GPT-4.5-ს არ აქვს საკმარისი ახალი ფუნქციები, რათა განიხილებოდეს უახლეს მოდეად. „GPT-4.5 არ არის გარღვევის მოდელი, მაგრამ ის არის OpenAI-ის უმსხვილესი LLM, რომელიც GPT-4-ის გამოთვლით ეფექტურობას 10-ზე მეტჯერ აღემატება“, - ნათქვამია OpenAI-ს დოკუმენტში, რომელიც გამოქვეყნდა ანონსამდე. „მას არ აქვს ახალი შესაძლებლობები მსჯელობის უნარის მქონე წინა ვერსიებთან შედარებით და მისი წარმადობა უფრო დაბალია o1-თან, o3-mini-სა და Deep Research-თან შედარებით უმეტეს ტესტში." 

OpenAI-მ ადრე განაცხადა, რომ იყენებს o1 მსჯელობის მოდელს GPT-4.5-ის სინთეტიკურ მონაცემებში მოსამზადებლად. მოხდა GPT-4.5-ის განსწავლა „ახალი ზედამხედველობის ტექნიკის გამოყენებით, რომელიც შერწყმულია ტრადიციულ მეთოდებთან, როგორებიცაა ზედამხედველობითი დახვეწა (SFT) და განმტკიცების სწავლა ადამიანის უკუკავშირზე (RLHF), GPT-4o-სთვის გამოყენებულის მსგავსად“. 

„ჩვენ მოვახდინეთ GPT-4.5-ის ადაპტირება უკეთესი თანამშრომლობისთვის, რითაც საუბრები უფრო თბილი, ინტუიციური და ემოციურად მდიდარი გავხდა“, - განაცხადა OpenAI-ის მკვლევარმა Raphael Gontijo Lopes-მა. ”ამის შესაფასებლად ჩვენ ვთხოვეთ ტესტერებს, შეედარებინათ იგი [ახალი მოდელი] GPT-4o-სთან. შედეგად GPT-4.5 წინ აღმოჩნდა თითქმის ყველა კატეგორიაში.” 

მიუხედავად გარკვეული შეზღუდვებისა, GPT-4.5-ის ჰალუცინაციები მნიშვნელოვნად ნაკლებია GPT-4o-თან და ოდნავ ნაკლები - o1 მოდელთან შედარებით, განაცხადა OpenAI-მ. ახალი პროდუქტი ასევე ავლენს უფრო განვითარებულ ინტუიციას და კრეატიულობას, უკეთ ესმის, რას გულისხმობენ მომხმარებლები და „უფრო მეტი ნიუანსებით უკეთებს ინტერპრეტაციას მკაფიო სიგნალებს ან არაცალსახა მოლოდინებს“. 

GPT-4.5 უკვე ხელმისაწვდომია მომხმარებლებისთვის 200$/თვეში ფასად ChartGPT Pro გამოწერით, ასევე მკვლევრებისთვის. მოდელი ამჟამად წინასწარი კვლევითი ტესტირების ეტაპზეა. მისი ამ ფორმით გამოშვების გადაწყვეტილება გამოწვეული იყო „მისი ძლიერი მხარეების და შეზღუდვების უკეთ გაგების“ სურვილით. „ჩვენ ჯერ კიდევ ვიკვლევთ მის შესაძლებლობებს და აღფრთოვანებული ვართ იმის ხილვით, რომ ადამიანები იყენებენ მას ისე, როგორც არ ველოდით“, - აღნიშნა OpenAI-მ. კომპანიას არ უთქვამს, როდის გახდის ახალ პროდუქტს ფართო საზოგადოებისთვის ხელმისაწვდომს. 

გასულ კვირას OpenAI-მ განაცხადა, რომ აპირებდა GPT-4.5-ის გამოშვებას თებერვლის ბოლოს და GPT-5-ისას - მაისის ბოლოს. OpenAI-ის აღმასრულებელმა დირექტორმა სემ ოლტმენმა GPT-5-ს უწოდა „სისტემა, რომელიც აერთიანებს მათ უამრავ ტექნოლოგიას“ და აღნიშნა, რომ იგი მოიცავს OpenAI-ს o3 მოდელს. OpenAI-მ გასულ თვეში გამოუშვა o3-mini, მაგრამ სრული o3 გამოჩნდება მხოლოდ GPT-5-ის ნაწილის სახით. ამრიგად, კომპანია აპირებს გააერთიანოს თავისი დიდი ენის მოდელები, რათა საბოლოოდ შექმნას ერთი ძლიერი სისტემა, რომელიც შეძლებს დამოუკიდებლად განსაზღვროს რომელი რესურსებია საჭირო კონკრეტული პრობლემის გადასაჭრელად. 

https://www.overclockers.ge/index.php?/profile/15538-magdalena/