ბევრი დავლიე, უშენობით მთვრალი ვარ ახლა,
ფიქრმა დამტანჯ,ა ძილი დამიფრთხო დარდმა.
გულში ვმალავდი მონატრებას, იდუმალს ალბათ,
შენ კი მომპარე, გაიტაცე, წაიღე გაღმა.
შენთან შეხვედრას ვნატრულობდი ყოველ სიზმარში
და იმედს მგვრიდა შენი სახის გამოცხადება.
ვიყავ აჩრდილი და უკვალოდ ჩუმად მოგდევდი,
მაგრამ რატომღაც დამატყვევეს შენმა თვალებმა.
ეს მე შევშინდი, შენთან მოსვლა ვეღარ გავბედე,
მაგრამ რაც გითხარ, მაშინ გითხარ მხოლოდ ლექსებით.
რომ შემიყვარდი, იმ დღის მერე ისევ მიყვარხარ,
მაგრამ ამ გრძნობით მე არასდროს აღარ შეგხვდები.
