ავტომობილიახალი ამბებიბიზნესი

მასკი გაყიდვების ახალ რეკორდს ამყარებს

როგორც ვიცით, ილონ მასკი საკმაოდ საკამათო ფიგურაა. ბევრმა მასზე დიდი ხნის წინ შეიქმნა თავისებური შეხედულება და როგორც ჩანს, აზრს ვერაფერი შეუცვლით. თუმცა არ არსებობს მიზეზი, სასიხარულოდ არ იქნას მიჩნეული მის მიერ დაარსებული კომპანიის წარმატებები, რომელიც როგორც ჩანს მალე მოგებაზეც გავა და კრიტიკოსებს გააჩუმებს. 

მაშ ასე, Tesla-ს ახალი ანგარიშის თანახმად, 2019 წლის მეორე კვარტალში (აპრილი- ივნისი) კომპანიამ გამოუშვა 87 048 ელექტრომობილი, ჯამში კი გაყიდა სულ 95 200 ერთეული (მარაგში არსებული ელექტრომობილების ჩათვლით). იმის გათვალისწინებით, რომ პირველ კვარტალში მდგომარეობა არც ისე სახარბიელო იყო (დამზადდა 77 100, გაიყიდა 63 ათასი), ახალი მაჩვენებელი კომპანიისთვის ნამდვილად მნიშვნელოვანი წარმატებაა. 

ისევე, როგორც ამ დრომდე, ამჯერადაც ჩანს, რომ ყველაზე კარგად გაყიდვადი ელექტრომობილია Tesla model 3: მთლიანი გაყიდული მანქანებიდან 77 ათასი სწორედ ეს მოდელი გაიყიდა. ამასთან, გაიზარდა უფრო ძვირადღირებული მოდელების გაყიდვებიც. ფინანსური ანალიტიკოსების თქმით Model S და Model X ძალიან კარგად იყიდება: კომპანიამ უკვე გაყიდა 17 650 პრემიალური კლასის ელექტრომობილი. გასულ წელს ეს მაჩვენებელი 7 ათასზე ნაკლები იყო. 

გაზრდილი გაყიდვები პოზიტიურად აისახა თავად ილონ მასკის განწყობაზეც. მან უკვე მიულოცა თავის ყველა თანამშრომელს მიღწეული წარმატება და აღნიშნა, რომ მომხდარი არის კომპანიის განვითარების ახალი სტრატეგიის დამსახურება, რომლის თანახმადაც კომპანიის თითოეული თანამშრომელი აცნობიერებს საკუთარ პასუხისმგებლობას კომპანიის წინაშე. 

Source
overclockers.ge

Related Articles

კომენტარის დამატება

Back to top button