პოეზია

გოჩა სხილაძე – მომავლის ფარდა

მინით ივსებენ ფერდებს შავი პირამიდები–
სხვა რომბებია,სხვა ხედები, სხვა კრამიტები.

მწუხრის სვეტებში შერეული სული გალხვება,
სფინქსის დუმილში შორეული მზე ითალხება.

დღეები ისევ იშვებიან მქრალ ღამის შვლებით,
სიკვდილისაკენ მიჰკვალავენ გზას კლავიშები.

თავს ჩამოჰკიდებს მზესუმზირა ტანჩაცელილი,
ცათამბრჯენების თვალებია კვლავ ჩაცვენილი.

მინით ივსებენ ფერდებს შავი პირამიდები–
სხვა რომბებია სხვა ხედები, სხვა კრამიტები.

Related Articles

კომენტარის დამატება

Back to top button