![](http://i0.wp.com/scroll.ge/wp-content/uploads/2021/03/დაანონსდა-დასაკეცი-სმარტფონი-Huawei-Mate-X2-ფასი-2780-აშშ-დოლარიდან.jpeg?fit=800%2C534&ssl=1)
დაანონსდა დასაკეცი სმარტფონი Huawei Mate X2, ფასი – 2780 აშშ დოლარიდან
კომპანია Huawei პრობლემებისა და გამოწვევების მიუხედავად რჩება დასაკეცი სმარტფონების ბაზარზე. 22 თებერვალს მან წარადგინა თავისი ყველაზე ინოვაციური მოდელი – Huawei Mate X2. იგი ჩაანაცვლებს Huawei Mate Xs-ს, რომლის პრემიერა შედგა დაახლოებით ერთი წის წინ.
ახალი თაობის სმარტფონი Samsung Galaxy Z Fold2 მოდელის სტილისაა. კორპუსის მინიმალური სისქე შეადგენს მხოლოდ 4 მილიმეტრს, მოწყობილობაში დაყენებულია ორი დისპლეი. ძირითადი ეკრანის ზომაა 8 დუიმი, გვერდების შეფარდება – 8 : 7.1, გაფართოება – 2480 x 2200 პიქსელი.
![image.png](http://i0.wp.com/www.overclockers.ge/uploads/monthly_2021_02/image.thumb.png.6a30020bc915d003cfdfcb17835055f7.png?w=780&ssl=1)
კორპუსის უკანა მხარეს მოცემულია 6.45-დუიმიანი მატრიცა გვერდების შეფარდებით – 21 : 9, გაფართოება შეადგენს 2700 x 1160 პიქსელს. ორივე პანელი დამზადებულია ორგანული შუქდიოდებით (OLED), კადრის განახლების სიხშირეა 90 ჰერცი, მხარდაჭერილია 100%-იანი DCI/P3 ფერთა გამა. უკანა ეკრანზე მოცემულია ოვალური ჭრილი 16-მეგაპიქსელიანი ფრონტალური კამერის ქვეშ.
![image.png](http://i0.wp.com/www.overclockers.ge/uploads/monthly_2021_02/image.thumb.png.36941df75de2f8159d3a2d6e47d96e1a.png?w=780&ssl=1)
კომპანია აღნიშნავს, რომ Huawei Mate X2 სმარტფონში გამოყენებულია დაკეცვის განახლებული მექანიზმი, რომელიც გამძლეობითა და ხანგრძლივი მუშაობით გამოირჩევა. მოწყობილობის წონა შეადგენს 295 გრამს, დაკეცილ მდგომარეობაში სისქე შეადგენს 13.6 – 14.7 მილიმეტრს.
![image.jpeg](http://i0.wp.com/www.overclockers.ge/uploads/monthly_2021_02/image.thumb.jpeg.fffd49006d9879708155d6ee4b283cb0.jpeg?w=780&ssl=1)
ფლაგმანური სმარტფონის უკანა პანელზე განთავსებულია ძირითადი კამერა. მეორე თაობის მოდელი გახლავთ მსოფლიოში პირველი დასაკეცი სმარტფონი, რომელსაც აქვს პერისკოპული ტელეობიექტივი, რომლის გაფართოებაა 8 მეგაპიქსელი და უზრუნველყოფს ათმაგ ოპტიკურ Zoom-ს. მეორე ობიექტივი განკუთვნილია სამმაგი Zoom-ისთვის ხარისხის დაკარგვის გარეშე. მისი გაფართოებაა 12 მეგაპიქსელი.
![image.jpeg](http://i0.wp.com/www.overclockers.ge/uploads/monthly_2021_02/image.thumb.jpeg.a2344b7226b6f1e5e4dce4b124b311b7.jpeg?w=780&ssl=1)
ძირითად და ფართოკუთხიან მოდულებში მოცემულია 50 მპ და 16 მპ გაფართოების მქონე სენსორები, შესაბამისად. სმარტფონი ასევე გამოირჩევა 4K UHD ვიდეოს გადაღებით 60 კადრი/წმ სიჩქარითა და გამოსახულების ოპტიკური სტაბილიზაციით.
![image.png](http://i0.wp.com/www.overclockers.ge/uploads/monthly_2021_02/image.thumb.png.820555d65d622ba84359b45e6d1f8b10.png?w=780&ssl=1)
Huawei Mate X2-ის აპარატულ საფუძველს წარმოადგენს 5-ნანომეტრიანი ცალკრისტალიანი სისტემა Kirin 9000 მაქსიმალური 3.13 გჰც სიხშირით და გრაფიკა Mali-G78 MP24. სმარტფონი ხელმისაწვდომი იქნება 256 და 512 გბ შიდა მეხსიერების მქონე მოდიფიკაციებში. ორივე მოდიფიკაციაში ოპერატიული მეხსიერების მოცულობა იქნება 8 გბ. კვების ქვესისტემის სახით წარმოდგენილია 4500 მა/სთ მოცულობის ბატარეა 55-ვატიანი სადენიანი დამუხტვის მხარდაჭერით.
![image.jpeg](http://i0.wp.com/www.overclockers.ge/uploads/monthly_2021_02/image.thumb.jpeg.c0e1f9793fc35518bbf525a95f206e92.jpeg?w=780&ssl=1)
მეორე თაობის დასაკეც ფლგმანს არ აქვს საფირმო ოპერაციული სისტემა Harmony OS 2.0. იგი მუშაობს პროგრამულ უზრუნველყოფა EMUI 11-სა და Android 10-ზე. აღვნიშნავთ, რომ კომპანია Huawei-ს ასორტიმენტში არ არის არც ერთი სმარტფონი Android 11-ის ბაზაზე. Google-ის სერვისების ანალოგად წინასწარ არის დაინსტალირებული Huawei Mobile Services – აპლიკაციების მარკეტიდან.
![image.jpeg](http://i0.wp.com/www.overclockers.ge/uploads/monthly_2021_02/image.thumb.jpeg.354cc4fd04041e64ae0e5f1c277ffc84.jpeg?w=780&ssl=1)
Huawei Mate X2-ს აქვს სტერეოდინამიკები, ინფრაწითელი სენსორი, Wi-Fi 6 და Bluetooth 5.2 ადაპტერები და Near Field Communication ტექნოლოგიის მხარდაჭერა. დამუხტვისა და პერსონალურ კომპიუტერთან სინქრონიზაციისთვის განკუთვნილია სიმეტრიული USB-C. სმარტფონში არ იქნება მოცემული 3.5-მილიმეტრიანი კონექტორი. ასევე ხელმისაწვდომი არ არის წყლისგან დაცვის სტანდარტი.
![image.jpeg](http://i0.wp.com/www.overclockers.ge/uploads/monthly_2021_02/image.thumb.jpeg.7615bdaef326b5cd4c36d9f4e8d13555.jpeg?w=780&ssl=1)
![image.jpeg](http://i0.wp.com/www.overclockers.ge/uploads/monthly_2021_02/image.thumb.jpeg.fc4b18ce3a4653a850412b5bd6ff63c0.jpeg?w=780&ssl=1)
![image.jpeg](http://i0.wp.com/www.overclockers.ge/uploads/monthly_2021_02/image.thumb.jpeg.d941b1e5c547f8ad03b89fb7da3f44cf.jpeg?w=780&ssl=1)
![image.jpeg](http://i0.wp.com/www.overclockers.ge/uploads/monthly_2021_02/image.thumb.jpeg.7d0e50a730e90d04610b1a3c69b7b7a0.jpeg?w=780&ssl=1)
ახალი სმარტფონის გაყიდვა ჩინეთში 25 თებერვლიდან დაიწყება. Mate X და Mate Xs მოდელები ოფიციალურად იყიდებოდა ევროპაში, თუმცა ახალი თაობის სმარტფონის პრეზენტაციაზე ამის შესახებ არაფერი გამოცხადებულა. 256 გბ მეხსიერების მქონე Huawei Mate X2 მოდელის ფასი შეადგენს 2780 აშშ დოლარს, 512-გიგაბაიტიანი მოდელისა კი – 2940 აშშ დოლარს.