![](http://i0.wp.com/scroll.ge/wp-content/uploads/2021/01/Bitcoin-ის-მოპოვების-სირთულემ-დააფიქსირა-ახალი-რეკორდი-მაინერების.png?fit=800%2C640&ssl=1)
Bitcoin-ის მოპოვების სირთულემ დააფიქსირა ახალი რეკორდი მაინერების შემოსავლების ზრდისა და აღჭურვილობის სიმცირის ფონზე
ბოლო გადაანგარიშების შედეგების მიხედვით Bitcoin-ის მოპოვების სირთულე 10.79%-ით გაიზარდა. მაჩვენებელმა ახალი რეკორდი დაამყარა ნიშნულით – 20.61 T.
სერვისი BTC.com პროგნოზირებს სირთულის მაჩვენებლის მორიგ ზრდას 10%-ზე მეტით ( 22,84 T-მდე) სირთულის შემდეგი გადაანგარიშების შედეგების საფუძველზე.
![image.png](http://i0.wp.com/www.overclockers.ge/uploads/monthly_2021_01/image.thumb.png.4cbf8efdbc172ed6ec79e0bc7fcbfc8f.png?w=780&ssl=1)
წყარო: BTC.com.
ახალი რეკორდი არ არის გასაკვირი მაინერების შემოსავლების მუდმივი ზრდის გათვალისწინებით – აღნიშნა მაინინგის პროგრამული უზრუნველყოფის შემქმნელ Braiins-ის ბიზნესის განვითარების მენეჯერმა ედვარდ ევენსონმა.
ბოლო ოთხი თვის განმავლობაში Bitcoin-მაინერების შემოსავალი დაჩქარებული ტემპით გაიზარდა.
![image.png](http://i0.wp.com/www.overclockers.ge/uploads/monthly_2021_01/image.png.0bedd8956173cf73a519cb817ee375fb.png?w=780&ssl=1)
Coin Metrics-ის თანახმად, ნოემბერსა და დეკემბერში მაინერების შემოსავლები შესაბამისად 50 და 30%-ით გაიზარდა.
სირთულესა და შემოსავლების ზრდასთან ერთად იზრდება Bitcoin-ის ჰეშრეითიც.
![image.png](http://i0.wp.com/www.overclockers.ge/uploads/monthly_2021_01/image.thumb.png.14d1df846cbe6b5e8d8f2ecc721f4429.png?w=780&ssl=1)
Bitcoin-ის ჰეშრეითის დინამიკა 2020 წლის დასაწყისიდან. წყარო: Glassnode.
”ვფიქრობ, ეს ტენდენცია გაგრძელდება 2021 წლის პირველ ნახევარში”, – აღნიშნა ექსპერტმა.
მისი თქმით, მაინინგ-კომპანიების მოთხოვნა ASIC-აღჭურვილობაზე აშკარად აღემატება შეთავაზებას.
„თუნდაც მხოლოდ მეოთხე კვარტალში ASIC-მოწყობილობების მწარმოებელი კომპანიები იძულებულნი იყვნენ უარი ეთქვათ თითქმის ნახევარ მილიონ აშშ დოლარზე მეტის ღირებულების მაინინგ-აღჭურვილობების შეკვეთებზე. აღჭურვილობის მიწოდების ჯაჭვი ამჟამად გადატვირთულია დიდი მოცულობის მოთხოვნით“ – აღნიშნა ევენსონმა.
შეგახსენებთ, ამერიკული მაინინგ-კომპანია Riot Blockchain ელოდება Bitmain-ისგან 15 ათას მოწყობილობას – Antminer S19 Pro-სა და S19j Pro-ს, რომელთა ჯამური ღირებულება 35 მილიონი აშშ დოლარია.