შავი შირმა, შავი მთვარე ხარის თვალმა აკრიბა,
შვიდი ცით და შვიდი მთვარით გტბორავს რაბი აკიბა.
ამოიყრის ცათამბრჯენი, სავსე ხარის თვალებით,
ბიბლიური ანგელოზი ფრთებითა და თარებით.
სივრცის კუბო,მინის კუბო,სისხლის რთვილი ხშირ–ხშირად,
მზესუმზირა, მზეთა ღერბი და ჩურჩული: ვიშვი რად?
შავი შირმა, შავი მთვარე ხარის თვალმა აკრიბა,
შვიდი ცით და შვიდი მთვარით გტბორავს რაბი აკიბა..
