განხილვაწიგნები

გადაცემა “წიგნები” – ვლადიმერ ნაბოკოვი – “ლოლიტა”

ვლადიმერ ნაბოკოვი (1899-1977) – მე-20 საუკუნის ერთ-ერთი გამორჩეული და სკანდალური მწერალი – რუსეთის იმპერიაში, სანქტ-პეტერბურგში დაიბადა. 1919 წელს მწერლის არისტოკრატული ოჯახი ემიგრაციაში წავიდა; ინგლისსა და გერმანიაში ახალგაზრდა ნაბოკოვი პოეტ-ნოველისტად გაიცნეს. მეორე მსოფლიო ომამდე მწერალი პარიზშიც ცხოვრობდა, იქიდან კი გერმანულ ჯარებს გაექცა აშშ-ში, სადაც დაიწყო მისი, როგორც პროზაიკოსის აღმასვლა. გარდა მწერლობისა, ნაბოკოვი ლეპიდოპტერიისა და ჭადრაკის საფუძვლიანი მცოდნეც იყო. ვლადიმერ ნაბოკოვის პირველი ნაწარმოებები რუსულენოვანი იყო, თუმცა მსოფლიო აღიარება მას ინგლისურ ენაზე დაწერილმა რომანებმა მოუტანა. მათ შორის უდავოდ გამორჩეული ადგილი უკავია “ლოლიტას”, რომელსაც კრიტიკოსები ხშირად მოიხსენიებენ მე-20 საუკუნის ერთ-ერთ ყველაზე მნიშვნელოვან მხატვრულ ნაწარმოებად. “ლოლიტა, თეთრკანიანი ქვრივი მამაკაცის აღსარება” – ასე უწოდებს თავად მწერალი რომანს, რომელიც ერთი შეხედვით მოწიფული მამაკაცისა და თორმეტი წლის გოგონას საბედისწერო, წინააღმდეგობრივი სიყვარულის ამბავია, მაგრამ სასიყვარულო ისტორიის მიღმა დახვეწილი ევროპისა და ომისშემდგომი “ჭკუამხიარული” ამერიკის შეჯახებაა დახატული. სიტყვა “ხატვა”, ამ შემთხვევაში, სწორედ რომ შესაფერისია, რადგან “ლოლიტა” სავსეა სიმბოლური სახეებით, სიტყვათა თამაშითა და ღრმა ფსიქოლოგიური პორტრეტებისა და პერსონაჟების ზუსტი, ლაკონიური აღწერით.

გადაცემა “წიგნების” ეს გამოშვება ვლადიმერ ნაბოკოვის “ლოლიტას” მიეძღვნა. ნაწარმოების შესახებ გადაცემის ავტორი და წამყვანი – ლევან ბერძენიშვილი საუბრობს.

“წიგნებს” რადიო “შოკოლადი” და ჯეოსელი წარმოგიდგენთ.

https://soundcloud.com/radio-shokoladi-985fm/tsignebi-08-10-2015-vladimer-nabokov-lolita

Related Articles

კომენტარის დამატება

Back to top button