ბელგიელი კინორეჟისორი და ილუსტრატორი ვინსენტ ბალი (Vincent Bal) ჩრდილთან “თამაშით” უჩვეულო ნახატებს ჰქმნის. მის ნახატში ნებისმიერი ჩრდილი უნიკალურ გამოსახულებას იღებს. ავტორი საკუთარი ფანტაზიის წყალობით საკმაოდ პოპულარულია ინტერნეტ სივრცეში.
“იმ დროს, როდესაც გასული წლის აპრილის თვეში ახალ სცენარზე ვმუშაობდი, შევამჩნიე, რომ ჩემი ჭიქისგან საინტერესოდ ეცემოდა ჩრდილი ქაღალდის ფურცელს. რამდენიმე ხაზი დავამატე ფურცელზე ჩრდილის გარშემო და იგი სპილოს ნახატად იქცა. მიღებულ ნახატს სურათი გადავუღე და სოციალურ ქსელში განვათავსე, რომელსაც საკმაოდ დიდი დადებითი გამოხმაურება მოჰყვა” – აცხადებს ვინსენტი.
