![](http://i0.wp.com/scroll.ge/wp-content/uploads/2020/01/კონსტანტინე-გამსახურდია.png?fit=540%2C357&ssl=1)
ლიტერატურა
კონსტანტინე გამსახურდია – ჯავშნოსანი და გუდურა
ერთი ჯავსნოსანი რეიდზე ისვენებდა. მსუბუქ ღელვას აყოლილი გუდურა ზედ ეხლებოდა ნაომარ გემს, დაუცხრომლად ებღლაძუნებოდა. ამ ამბავს უცქეროდნენ მოსეირნენი და იცინოდნენ უგუნური გუდურას თავხედობის გამო.“რამ გადაგრია, ძია კაცო, – გადასძახა გზადგავლილმა კატორღამ გუდურას, – ერთი რომ შეგიბეროს, თვალსაწიერს გადაღმა გადაგტყორცნის ეს ჯავშნოსანი”.“ფიქრი არაა, – მიუგო გუდურამ, – ვიდრე ეს გემი ჩემზე ხელის გასვრას დააპირებდეს, ჯავშნოსანთან მებრძოლს შემარქმევს ხალხი”.