„თითქმის ყოველმხრივ უკეთესი GPT-4o-ზე“: OpenAI-მ წარადგინა ფლაგმანური AI მოდელი GPT-4.1
OpenAI-მ ოფიციალურად წარადგინა დიდი ენის მოდელი GPT-4.1, რომელიც გასულ წელს გამოშვებული მულტიმოდალური GPT-4o ალგორითმის შთამომავალია. კომპანიის თქმით, ხელოვნური ინტელექტის ახალ მოდელს აქვს უფრო დიდი კონტექსტური ფანჯარა და ზოგადად GPT-4o-ს „თითქმის ყოველმხრივ“ აღემატება. გარდა ამისა, გაუმჯობესდა ალგორითმის უნარი – დაწეროს პროგრამის კოდი და დაიცვას ინსტრუქციები.
GPT-4.1 უკვე ხელმისაწვდომია დეველოპერებისთვის ნეიროქსელის ორ პატარა ვერსიასთან ერთად. განსახილველი ალგორითმებია GPT-4.1 Mini და GPT-4.1 Nano, რომელიც OpenAI-ს თქმით არის „ყველაზე პატარა, სწრაფი და იაფი“ AI მოდელი. GPT-4.1-ის სამივე ვერსია მულტიმოდალურია, რაც იმას ნიშნავს, რომ მათ შეუძლიათ იმუშაონ არა მხოლოდ ტექსტთან, არამედ სხვა მონაცემებთან, როგორიცაა სურათები ან ვიდეოები. კონტექსტური ფანჯრის ზომა გაიზარდა 1 მილიონ ტოკენამდე, რაც მნიშვნელოვნად აღემატება GPT-4o-ს 128000 ტოკენს
აღინიშნება, რომ GPT-4.1-ს შეუძლია ხარისხობრივად დაამუშაოს ინფორმაცია კონტექსტურ ფანჯარაში მომხმარებელთან მთელი ურთიერთქმედების განმავლობაში. „ჩვენ ასევე მას ვასწავლეთ, რომ GPT-4o-ზე ბევრად უფრო ძლიერი ყოფილიყო შესაბამისი ტექსტის ამოცნობასა და ყურადღების გადატანის ელემენტების იგნორირებაში კონტექსტის გრძელ და მოკლე მონაკვეთებში“, – ნათქვამია OpenAI-ის განცხადებაში. GPT-4.1 ასევე 26%-ით იაფია GPT-4o-თან შედარებით, რაც განსაკუთრებით მნიშვნელოვანია ჩინურ კომპანია DeepSeek-ის სუპერეფექტური AI მოდელის დებიუტის შემდეგ.
ფოტოს წყარო: OpenAI
GPT-4.1-ის გამოშვება ხდება მოვლენის ფონზე – OpenAI ემზადება ორი წლის GPT-4 AI მოდელზე უარის თქმისთვის. ოფიციალური ინფორმაციით 30 აპრილის შემდეგ GPT-4o მოდელი გახდება GPT-4-ის „ბუნებრივი მემკვიდრე“. OpenAI ასევე დახურავს API წვდომას GPT-4.5-ის წინასწარ გადახედვაზე 14 ივლისს, რადგან „GPT-4.1 გთავაზობთ გაუმჯობესებულ ან მსგავს წარმადობას ბევრ ძირითად ფუნქციაზე გაცილებით დაბალ ფასად და ნაკლები შეყოვნებით
