![](http://i0.wp.com/scroll.ge/wp-content/uploads/2019/07/konka-gomba.jpg?fit=600%2C450&ssl=1)
გამორჩეული (მოწინავე) ფოტოები National Geographic-ის ისტორიიდან
1905 წელს National Geographic-ის ჟურნალში 11 გვერდი მხოლოდ ფოტოებს დაეთმო, რაც უპრეცედენტო შემთხვევა იყო. მათ შორის იყო 600 წლიანი მონასტრის სურათი, მინია კონკას მთიდან (ტიბეტი). ეს იყო ერთ-ერთი ყველაზე ადრეული ფოტოების სერია, რაც პრესაში დაიბეჭდა.
![](http://i0.wp.com/scroll.ge/wp-content/uploads/2019/07/zulu-marriage.jpg?w=780&ssl=1)
ფოტოგრაფმა სამხრეთ აფრიკაში ყოფნისას ზულუს ტომის წევრები, ნეფე და პატარძალი გადაიღო. ეს სურათი პირველი გახლდათ National Geographic-ის ჟურნალის ისტორიაში, რომელზეც ქალი შიშველი მკერდით იყო. დაიბეჭდა 1896 წლის ნოემბრის გამოცემაში.
![](http://i0.wp.com/scroll.ge/wp-content/uploads/2019/07/ice-film-wash.jpg?w=780&ssl=1)
1910 წელს National Geographic Society-ის ექსპედიციისას ფოტოგრაფი ჩამოჯდა იაკუტატის სანაპიროზე, ალასკას ყურეში, რათა თავისი ფირი ზღვის წყალში გაერეცხა. შეზღუდული ტექნოლოგიის პირობებში National Geographic-ის სხვა ფოტოგრაფებმა შეძლეს და მაქსიმალურად კარგი ხარისხის ფოტო გადაიღეს. შედეგად პირველად დაფიქსირდა ფოტოგრაფი პროფესიული საქმიანობისას.
![](http://i0.wp.com/scroll.ge/wp-content/uploads/2019/07/peruvian-mummy.jpg?w=780&ssl=1)
არქეოლოგებმა ეს ჩონჩხი და თავის ქალა პერუს ერთ-ერთ გამოქვაბულში აღმოაჩინეს 1915 წელს, როცა National Geographic-ის ექსპედიცია გამოკვლევებს ატარებდა ჰირამ ბრინგჰემის მეთაურობით. ფოტოგრაფების წყალობით კი ეს აღმოჩენა National Geographic-ის ჟურნალის ფურცლებზე მოხვდა.
![](http://i0.wp.com/scroll.ge/wp-content/uploads/2019/07/tetrahedral-truss-kite.jpg?w=780&ssl=1)
გამომგონებელმა და National Geographic Society-ის ერთ-ერთმა პრეზიდენტმა, ალექსანდრ გრაჰამ ბელმა, შექმნა უზარმაზარი ფრანი, რომელიც სამ განზომილებიანი სამკუთხედებით იყო აგებული. მსგავსი ცდები ტარდებოდა აეროდინამიკის დიზაინის შესასწავლად, სანამ თვითმფრინავებს გამოიგონებდნენ.
![](http://i0.wp.com/scroll.ge/wp-content/uploads/2019/07/dome-room-cavern.jpg?w=780&ssl=1)
სურათი, რომელზეც ჩანს გუმბათოვანი ოთახი ნიუ მეხიკოში, კარლსბადის გამოქვაბულში, არის მიწისქვეშ გადაღებული პირველი ფერადი ფოტო. ის National Geographic-ის გამოცემაში 1925 წლის სექტემბერში დაიბეჭდა. National Geographic-ს ასევე ეკუთვნის პირველი წყალქვეშა ფერადი ფოტო და ჰაერიდან გადაღებული პირველი ფერადი ფოტო.
![](http://i0.wp.com/scroll.ge/wp-content/uploads/2019/07/liberty-aerial-1.jpg?w=780&ssl=1)
სწორედ ეს არის პირველი საჰაერო ფოტო, რომელზეც თავისუფლების ქანდაკებაა აღბეჭდილი. ის National Geographic-ის რედაქტორმა მელვილ ბელ გროსვენორმა გადაიღო, როცა მგზავრობდა სამხედრო დირიჟაბლით “ZM C2”-ით, გამოქვეყნდა 1930 წლის სექტემბრის ნომერში.
![](http://i0.wp.com/scroll.ge/wp-content/uploads/2019/07/hogfish-1.jpg?w=780&ssl=1)
ეს კი პირველი წყალქვეშა ფოტო გახლავთ, რომელზეც ჩანს თევზი hogfish (Lachnolaimus maximus). გადაღებულია მექსიკის ყურეში ვილიამ ლონგლისა და National Geographic-ის ფოტოგრაფ ჩარლზ მარტინის მიერ 1926 წელს. ისინი აღჭურვილნი იყვნენ წყალგამძლე ფოტოაპარატებითა და ძვირადღირებული განათების სისტემებით.
![](http://i0.wp.com/scroll.ge/wp-content/uploads/2019/07/guatemalan-elder.jpg?w=780&ssl=1)
30 წლის შემდეგ, მას მერე რაც პირველი ფოტო გადაიღო, გვატემალის ერთ-ერთი სოფლის მერი თავისი ადრინდელი ფოტოთი ხელში პოზირებს. ფოტოგრაფი იყო დევიდ ალან ჰარვეი. ეს სურათიც პიონერი იყო მსგავსი ტიპის ფოტოებში.
![](http://i0.wp.com/scroll.ge/wp-content/uploads/2019/07/first-wildlife-photographs.jpg?w=780&ssl=1)
1906 წლის ივლისის გამოცემაში დაიბეჭდა ფოტო, რომელზეც პირველად აისახა ველურ ბუნებაში მობინადრე არსებები. გილ გროსვენორმა 73 ასეთი ფოტო დაბეჭდა, რითიც საფუძველი ჩაეყარა ველური ცხოველებისთვის ფოტოების გადაღებას.
![](http://i0.wp.com/scroll.ge/wp-content/uploads/2019/07/early-machu-picchu-1.jpg?w=780&ssl=1)
1912 წელს იელის უნივერსიტეტის პროფესორი და მკვლევარი ჰირამ ბინგჰემი არქეოლოგთა ჯგუფთან ერთად პერუს ანდებში ინკების დედაქალაქს ვილკაბამბას ეძებდა, როცა მოულოდნელად მნიშვნელოვანი აღმოჩენა გააკეთა – მან მაჩუ-პიქჩუს ნასახლარები იპოვა. ფოტოგრაფების წყალობით აღმოჩენის ამსახველი ფოტოები National Geographic-ის ჟურნალში მოხვდა და ფართო საზოგადოებისთვის გახდა ხელმისაწვდომი, თავად ფოტო კი პირველი იყო არქეოლოგიური აღმოჩენის ამსახველ სურათებს შორის.
![](http://i0.wp.com/scroll.ge/wp-content/uploads/2019/07/snow-leopard.jpg?w=780&ssl=1)
ჯორჯ შალერის ფოტოზე, რომელიც 70-იანების დასაწყისშია გადაღებული, პირველად დაფიქსირდა თოვლის ლეოპარდი მის ველურ საცხოვრებელში – ჩიტრალის ხეობაში, რომელიც პაკისტანში მდებარეობს. ეს ფოტო National Geographic-ის ჟურნალში, 1971 წლის ნოემბრის გამოცემაში დაიბეჭდა.
![](http://i0.wp.com/scroll.ge/wp-content/uploads/2019/07/long-sea-nettle.jpg?w=780&ssl=1)
National Geographic-ის ფოტოგრაფმა ემილი კრისტოფმა საფუძველი ჩაუყარა ფოტოგრაფიაში რობოტ კამერებისა და შორიდან მართვადი მოწყობილობების გამოყენებას. მან მსოფლიოს გააცნო ღრმა წყლებში მობინადრე არსებები, ისეთები, როგორიც მაგალითად ეს 3 მ სიგრძის მედუზაა, ზღვის ჭინჭარი.