
ანსამბლი ხადა- ხადის პატარძალი
შენმა მოსვლამ გამახარა და მამღერა,
შენმა წასვლამ დამამწუხრა ამამღერა,
და დაგკარგე ისე როგორც ქვიშა ზღვაში,
აღარ გაშრა იმის მერე ცრემლი ზღვაში.
ვოცნებობდი, ვიჩქაროდი ნახვას მზისა,
დილით სხივებს, გადმოტეხილს კლდეზე მზისა,
გაშლილ ველზე სურნელებას ყვავილისა,
გულში მწვდომი სილამაზე ჭიუხვისა.
შენი თმების შესადარი ჩანჩქერისა,
შენი სახე მოელვარე პირიმზისა,
პატარძალი მინდა გახდე შენ ხადისა,
და გაგაცნობ ტრადიციებს ხადლებისა.
მსურდა ნახვა მთიულების ღრეობისა,
ხევისბერი სალოცავის დღეობისა,
მჭექარე ხმა მთაში გაზრდილ ვაჟკაცისა,
და ფანდურზე აჟღერება სიმღერისა.
მოგატარებ ხადის ხევის ლამაზ ხევებს,
რომელიც რომ შენც ასევე აგამღერებს,
დავუჩოქებთ ორივენი სალოცავებს,
ჩვენ შეხვედრას და სიყვარულს დალოცავენ.
შენც იმღერე ქალავ ჩემთან, მომეც ბანი,
და ამას გთხოვ არ გაგექცეს სხვისკენ თვალი,
ვერ აიტანს დამცირებას გული მთისა,
რადგან მთაში სხვანაირი ქარი ქრისა.