სხვა ძველი ხალხებისგან განსხვავებით, ბერძნები თავის საუცხოო ხელოვნებაში ადამიანურ გრძნობებს ადიდებდნენ. რომაელებმა ბერძნული მემკვიდრეობა განავრცეს და შექმნეს ბერძნულ-რომაული ტრადიცია, რომელსაც დიდი ისტორიული მნიშვნელობა აქვს.
ლონდონის ბრიტანული მუზეუმის ერთ-ერთ საგანძურს ე.წ ,,ელგინის მარმარილო” წარმოადგენს. ეს არის რელიეფისა და ქანდაკების კოლექცია, რომელიც თავდაპირველად ათენის პართენონის ნაწილს წარმოადგენდა. საბერძნეთში თურქების მმართველობის პერიოდში პართენონს სხვადასხვა დანიშნულებით იყენებდნენ, ხოლო 1687 წლის აფეთქების შედეგად იგი დაზიანდა. 1799-1802 წლებში თურქეთში ბრიტანეთის ელჩმა ლორდ ელგინმა სულთანისგან პართენონის ზოგიერთი გადარჩენილი სკულპტურა გამოისყიდა და შემდგომ ბრიტანეთის მუზეუმს მიჰყიდა. ბოლო წლებში საბერძნეთი თავისი მემკვიდრეობის დაბრუნებაზე პრეტენზიას აცხადებს.
დღეს უკვე ნანგრევებად ქცეული ათენის აკროპოლისის ტაძრები კლასიკურ პერიოდს ეკუთვნის. ამ ნიმუშებში მკვეთრად მოხაზული ფორმები და არქიტექტურული ქანდაკების გამოყენება აშკარაა.
სურათზე წარმოდგენილია ჰერმესი, რომელსაც ხელში უჭირავს ყრმა დიონისე, ღვინისა და ნაყოფიერების ღმერთი. სკულპტურა მოქანდაკე პრაქსიტელეს ეკუთვნის.
ლაოკონიისა და მისი ვაჟების ქანდაკება, რომელიც ელინისტური რეალიზმის ტიპურ ნიმუშს წარმოადგენს.
რომაელების არქიტექტურაშიც იგრძნობოდა ბერძნული სილამაზისა და გემოვნების აღქმის შეგრძნების არქონა. თუმცა ისინი ტექნიკურად უფრო გაბედულები აღმოჩნდნენ. რომის კოლიზეუმი იმპერიის ერთ-ერთ ყველაზე შთამბეჭდავ ნაგებობას წარმოადგენდა.
ხოლო ტაძარი ,,მეზონ კარე” ნიმში- საფრანგეთში, საუკეთესო მდგომარეობაში შემოინახა.
რომაელების მიერ შესრულებული 12 მეტრის სიმაღლის ათენას ქანდაკების ასლი. მისი ორიგინალი ოდესღაც პართენონის ცენტრში იდგა. იგი ეკუთვნოდა მოქანდაკე ფიდიას, შესრულებული იყო ხისაგან და მორთული სპილოს ძვლითა და ოქროთი.
რომაელების ბევრ ფერწერულ ნამუშევართა შორის აღსანიშნავია პომპეის სახლების მოხატულობები. იმის გამო, რომ ახ.წ 79 წელს ქალაქი პომპეი ვულკან ვეზუვის ამოფრქვევის შედეგად უეცრად დაიღუპა, თითქმის ხელუხლებადაა შემონახული სახლებისა და საზოგადოებრივი ნაგებობების შიდა ინტერიერები. წარმოდგენილი სურათი რომაული მხატვრობის ფერთა მრავალფეროვნებისა და გრძნობების ოსტატურად გადმოცემაზე მეტყველებს.
