![](http://i0.wp.com/scroll.ge/wp-content/uploads/2020/01/გამოდის-ახალი-ლეპტოპი-Apple-MacBook-Magic-Keyboard-კლავიატურით.jpeg?fit=750%2C430&ssl=1)
გამოდის ახალი ლეპტოპი Apple MacBook Magic Keyboard კლავიატურით
ევრაზიის ეკონომიკური კომისიის ვებ-გვერდზე გამოქვეყნებული ინფორმაციის თანახმად კომპანია Apple გამოსაშვებად ამზადებს ახალ პორტატულ კომპიუტერ MacBook-ს.
კომისიის დოკუმენტაციაში ლეპტოპი ფიგურირებს კოდური დასახელებით – A2289. აღწერაში კი ნათქვამია, რომ ეს გახლავთ პორტატული პერსონალური კომპიუტერი macOS 10.15 ოპერაციული სისტემით.
დამკვირვებლები ვარაუდობენ, რომ კორპორაცია Apple ამზადებს 13-დუიმიან MacBook Pro ლეპტოპს, რომელსაც გაუმჯობესებული Magic Keyboard კლავიატურა ექნება. ამგვარი კლავიატურა უკვე გამოყენებულია 16-დუიმიან MacBook Pro-ში. თითოეული ღილაკი აღჭურვილია გაუმჯობესებული მექანიზმით.
![image.jpeg](http://i0.wp.com/scroll.ge/wp-content/uploads/2020/01/image.jpeg.0b2df5d09cba1ec78b18604f1cc3d169.jpeg?w=780&ssl=1)
ევრაზიის ეკონომიკური კომისიის დოკუმენტი გამოქვეყნდა 13 იანვარს, თავად მზადებაში მყოფი პროდუქტის შესახებ მიმართვა კი Apple-ის მიერ განხორციელდა 2019 წლის 24 დეკემბერს. არ არის გამორიცხული, რომ ახალი პორტატული კომპიუტერის დებიუტი უახლოეს თვეებში შედგეს.
დავამატებთ, რომ ძველად ანალიტიკოსები პროგნოზირებდნენ 13-დუიმიანი MacBook Pro ლეპტოპის გამოსვლას მიმდინარე წლის პირველ ნახევარში. ზოგიერთი მონაცემის თანახმად მოწყობილობის ოფიციალური წარდგენა შესაძლოა მარტში მოხდეს.