კომპიუტერული ტექნიკა - ჩამოსქროლე და გაიგე მეტი Forum

Samsung-მა წარმოადგინა დასაკეცი ასიმეტრიული სმარტფონის და დასაკეცი პორტატული გეიმინგ კონსოლის პროტოტიპები

Scroll — Sun, 09 Mar 2025 10:05:13 +0000

ცნობები Samsung-ის განზრახვის შესახებ, გამოუშვას თავისი პირველი სამჯერ კეცვადი სმარტფონი მიმდინარე წელს, საკმაოდ დიდი ხანია ვრცელდება. მიიჩნევა, რომ მოწყობილობა წარმოდგენილი იქნება ორი სახსრით, რაც უზრუნველყოფს გვერდების შიგნით დაკეცვის შესაძლებლობას, ისევე როგორც მოცემული იყო ადრე წარმოდგენილ Flex G კონცეპტში.

გამოფენა MWC 2025-ზე, რომელიც ამჟამად ბარსელონაში მიმდინარეობს, სამხრეთკორეულმა კომპანიამ კიდევ ერთხელ აჩვენა კონცეპტ მოდელები Flex G და Flex S, ასევე დრეკადი დისპლეის მქონე უჩვეულო სმარტფონის და პორტატული გეიმინგ კონსოლის კონცეფცია.

სმარტფონის კონცეპტს მიენიჭა საკმაოდ ზუსტი სახელი Asymmetric Flip და ვიზუალურად ის ჰგავს Galaxy Z Flip-ს, ოღონდ აქვს ორი სახსარი, რომლებიც განლაგებულია კორპუსის ზედა და ქვედა ზედაპირიდან სხვადასხვა მანძილზე.

სახსრების ამ უჩვეულო განთავსების წყალობით ეკრანის ვიწრო ნაწილი ღია რჩება მაშინაც კი, როცა სმარტფონი იკეცება.

იმის გამო, რომ სმარტფონის დისპლეი ნაწილობრივ ხილული რჩება დაკეცვისას, შეიძლება ვივარაუდოთ, რომ დარჩენილ ღია ზონას შეუძლია ყოველთვის ჩართული ეკრანის ფუნქციის მხარდაჭერა. თუმცა, ძნელი წარმოსადგენია, რომ ეს დიზაინი უფრო წარმატებული აღმოჩნდეს, ვიდრე Galaxy Z Flip-ში გამოყენებული.

მიუხედავად იმისა, რომ Asymmetric Flip-ის დიზაინი შეიძლება არ იყოს განსაკუთრებულად თვალშისაცემი, Samsung-ის სტენდზე ნაჩვენები პორტატული გეიმინგ კონსოლის კონცეფცია უფრო დახვეწილი ჩანს. მისი გარეგნობა წააგავს დახვეწილ Nintendo Switch-ს შუაში დამატებიითი სახსრით, რომელიც საშუალებას აძლევს მოწყობილობას დაიკეცოს შუაზე.

კორპუსის ორივე მხარეს მოცემულია ჯოისტიკები, რომლებიც მოწყობილობის დაკეცვისას უნდა ემთხვეოდეს D-pad-ის მრგვალი ელემენტების ჭრილებს. პორტატული სათამაშო კონსოლის კონცეფცია ჰგავს მოწყობილობას, რომელიც თითქმის მზად არის ბაზარზე გამოსასვლელად.

სავსებით შესაძლებელია, რომ Samsung-მა გარკვეულ მომენტში რეალურად დაიწყოს დასაკეცი გეიმინგ კონსოლების დამზადება. თუმცა, მოწყობილობის ამ ვერსიაში ეკრანზე აშკარად ჩანს ნაკეცები სახსრების ადგილას, რამაც შესაძლოა უარყოფითად იმოქმედოს თამაშის პროცესზე. შესაძლოა კომპანიამ იფიქროს იმაზე, თუ როგორ მოიშოროს ეკრანს ნაკეცები, სანამ მოწყობილობა მასობრივ წარმოებაში შევა.

https://www.overclockers.ge/index.php?/profile/15538-magdalena/

Steam-ზე ყველაზე პოპულარული ვიდეო ბარათის ტიტული GeForce RTX 4060-მა მიიღო

Scroll — Thu, 06 Mar 2025 13:38:15 +0000

Steam-ის თებერვლის უახლესი სტატისტიკის მიხედვით ვიდეო ბარათი GeForce RTX 4060 გახდა ყველაზე პოპულარული გეიმინგ პლატფორმაზე. მან ჩაანაცვლა GeForce RTX 3060, რომელიც დიდი ხნის განმავლობაში პირველ ადგილზე იყო. ეს შეიძლება ნაწილობრივ იმით იყოს განპირობებული, რომ პლატფორმაზე ჩინელი მომხმარებლების რაოდენობა მნიშვნელოვნად გაიზარდა ბოლო ერთი თვის განმავლობაში.

ფოტოს წყარო: VideoCardz

პლატფორმის მიხედვით მომხმარებელთა 8.57% ფლობს GeForce RTX 4060-ს. ერთი თვის განმავლობაში ბარათის პოპულარობა 3.97 პროცენტით გაიზარდა. GeForce RTX 3060-ის მფლობელების წილი 6.87%-ია. მანაც დააფიქსირა ზრდა თებერვალში, მაგრამ მხოლოდ 1.67 პროცენტული პუნქტით. მესამე ადგილზე 6.56%-იანი წილით არის GeForce RTX 4060 Ti, რომელსაც დაემატა 3.11% გასულ თვეში. ყველაზე პოპულარული ვიდეო ბარათების ხუთეულს ავსებს GeForce RTX 4070 და GeForce RTX 3070. პირველ მათგანზე მოდის მომხმარებელთა 5.43% (+2.54% თვეში), ხოლო მეორეზე - 4.27% (+1.33% თებერვალში).

AMD-ის ვიდეო ბარათები ჯერ კიდევ ვერ მოხვდა რეიტინგის ზედა ხაზებში. პორტატული Steam Deck კონსოლის პოპულარობაც კი, რომელიც აღჭურვილია Radeon გრაფიკით, სიტუაციას ვერ ცვლის. რეიტინგში ყველა მოწინავე ადგილს იკავებს GeForce RTX და უკან იტოვებს GeForce GTX მოდელებს. მეათე ადგილზეა GeForce GTX 1650, თუმცა ერთი თვის განმავლობაში მისი წილი პლატფორმაზე 2.51%-მდე შემცირდა (-1.05%).

საერთო ჯამში, Steam-ის პლატფორმაზე ყველაზე პოპულარული ვიდეო ბარათები კვლავ არის xx60 და xx70 კლასის ამაჩქარებლები. პლატფორმის სტატისტიკა შეიძლება საკმაოდ საინტერესო იყოს უახლოეს თვეებში, როდესაც Radeon RX 9070 და RX 9060 სერიების ვიდეო ბარათები გამოვა ბაზარზე. ყველაზე პოპულარული Radeon ბარათი ამჟამად არის RX 6600.

https://www.overclockers.ge/index.php?/profile/15538-magdalena/

ანგსტრემ ტექნოპროცესი Intel 18A მომწიფდა - Intel-მა დაიწყო მისი შეთავაზება მომხმარებლებისთვის

Scroll — Wed, 26 Feb 2025 19:01:03 +0000

Intel-ის ხელმძღვანელობამ არაერთხელ განაცხადა, რომ დიდხანს არ დააყოვნებს მომხმარებლებისთვის Intel 18A ტექნოლოგიაზე წვდომის მიწოდებას მას შემდეგ, რაც დაეუფლება პროდუქციის წარმოებას საკუთარი საჭიროებისთვის. ახლა, თავის ვებ-გვერდზე, კომპანია იტყობინება, რომ მზად არის წლის მიმდინარე ნახევარში გარე მხარის მომხმარებლებს მიაწოდოს ციფრული პროექტები, რომლებიც შექმნილია 18A ტექნოლოგიის გამოყენებით.

Intel-თან ამ სფეროში თანამშრომლობის დაწყების მსურველებს შეთავაზებული აქვთ გაგზავნონ განაცხადი ელექტრონული ფოსტის მისამართზე. შეგახსენებთ, რომ საფირმო Panther Lake პროცესორების ნიმუშები, რომლებიც იწარმოება Intel 18A ტექნოლოგიით, ფიზიკურად უკვე არსებობს და მათი სერიული მიწოდება წლის მომდევნო ნახევარში დაიწყება. სასერვერო სეგმენტში მომავალ წელს დაინერგება Clearwater Forest პროცესორები, რომლებიც ასევე დამზადდება Intel 18A ტექნოლოგიით.

ტრანზისტორების სიმჭიდროვის თვალსაზრისით Intel 18A ტექნოპროცესი მზად არის კონკურენცია გაუწიოს TSMC N2-ს. წინამორბედ Intel 3-თან შედარებით მასში გაზრდილია წარმადობა თითო ვატზე 15%-ით და ამ შედარებაში ტრანზისტორების სიმჭიდროვე 30%-ით მეტია. ეს ნაწილობრივ განპირობებულია PowerVia ტექნოლოგიით, რომელიც მოიზარებს ენერგიის მიწოდებას სილიკონის ფირფიტის უკანა მხრიდან - ამ ტექნოლოგიას კონკურენტი TSMC-ს ჯერ არ დაუფლებია. Intel-ის 18A ტექნოპროცესი ასევე იყენებს მოწინავე RibbonFET ტრანზისტორების სტრუქტურას.

მოსალოდნელია, რომ Intel 18A-ს მომხმარებლები იქნებიან არა მხოლოდ თავდაცვის სფეროს მომხმარებლები, როგორებიცაა Boeing და Northrop Grumman, არამედ ასევე შვედური ტელეკომუნიკაციის გიგანტი Ericsson და Amazon (AWS) და Microsoft (Azure) სასერვერო განყოფილებები. ჯერ ბოლომდე გაურკვეველია, მზადაა თუ არა Broadcom შეუკვეთოს Intel-ს ჩიპების წარმოება 18A ტექნოლოგიის გამოყენებით. ნებისმიერ შემთხვევაში, შეფერხებული რესტრუქტურიზაციის რთულ პირობებშიც კი Intel არ უარს ამბობს მომხმარებლებისთვის თავისი მოწინავე ტექნოლოგიების შეთავაზებაზე.

https://www.overclockers.ge/index.php?/profile/15538-magdalena/