სერიალია, სკოლის მოსწავლე გოგონა, ჰანას შესახებ, რომელმაც თავი მოიკლა და კასეტაზე ჩაწერა ის 13 მიზეზი, რამაც მისი თვითმკვლელობამდე მიყვანა განაპირობა და თითოეული მიზეზი ერთი, კონკრეტული ადამიანია!

🔴 ⤵️ 13 მიზეზი, თუ რატომ უნდა უყუროთ

- სერიალი „13 Reasons Why“ ძალიან მკაფიოდ ასახავს პრობლემებს, რომელსაც გარდატეხის ასაკში მყოფი ადამიანები აწყდებიან. მაგალითად, როგორიცაა დეპრესია, პანიკური შეტევები, სუიციდალური ფიქრები, სხვადასხვა მენტალური დარღვევები და თუნცაც, პრობლემები მშობლებთან, მეგობრებთან, ან საკუთარ თავთანაც კი.

- სერიალის მთავარი გმირი, ჰანა ბეიკერიც სწორედ ამ უკანასკნელ ამბავს შეეწირა და განსაკუთრებით დიდი აქცენტია გაკეთებული იმაზე, თუ რა შედეგებით სრულდება მსგავსი დანაშაული, რატომ მიდიან ადამიანები საბოლოოდ იქამდე, რომ გახდნენ მოძალადეები და ამავე დროს, მშობლების უყურადღებობამ შვილების მიმართ რა შეიძლება გამოიწვიოს.

- შოუ იმდენად ჩამთრევი, საინტერესო და დაძაბულია, განსაკუთრებით 12-21 წლამდე ადამიანებისთვის, რომ შეუძლებელია თქვენს ცხოვრებაში მნიშვნელოვანი ადგილი ვერ დაიკავოს. რაც მთავარია, მოიმარაგეთ ბევრი სასუსნაო-წასახემსებლები, ერთჯერადი ხელსახოცები, დარწმუნდით, რომ ოთახის კარი ჩაკეტილია და ისიამოვნეთ.

- სერიალში თავიდან ყველაფერი იმით იწყება, რომ კლეი ჯენსენი ერთი საკუთარ თავში ჩაკეტილი, გარიყული და დეპრესიული ბიჭია, რომელსაც აქვს უნარი, ყველა ადამიანი მტრად გადაიკიდოს საკუთარი ხისტი ხასიათის გამო, თუმცა სერიალის შემდეგ სეზონებში იმდენად შეგიყვარდებათ მისი მტრები, რომ შეიძლება ოთახში მათი პოსტერებიც დაკიდოთ.

- სერიალში ძალიან ბევრი მთავარუ პერსონაჟია LGBTQ საზოგადოებიდან და მათი ერთმანეთისადმი დამოკიდებულება გვარწმუნებს იმაში, რომ სიყვარულს სქესი არ გააჩნია. ამავე დროს, შოუში მკაფიოდაა წარმოჩენილი, რომ უამრავი მოძალადე და ჰომოფობი თავადაა გეი, ბისექსუალი თუ ლესბოსელი, უბრალოდ, იმისთვის, რომ სხვამ მათზე ეჭვი არ მიიტანოს, ურჩევნიათ, ასეთი იმიჯი მოირგონ.

- სანამ ყურებას დაიწყებდეთ, გეტყვით, რომ სერიალში წამოჭრილი ძირითადი პრობლემები სწორედ ერთ, მკვახედ ნათქვამ სიტყვაზეა აგებული და ეს უკანასკნელი ცხადყოფს იმას, რომ ადამიანის სიტყვას ნამდვილად შეუძლია ხე გაახმოს.

- ეს ის თემაა, რაზე საუბარიც ძალიან მოდაში შემოვიდა, მაგრამ გულთან მხოლოდ ერთეულ ადამიანებს მიაქვთ ეს პრობლემა. „13 Reasons Why” - ს იმდენად ახლოს მივყავართ ამ პრობლემის სათავესთან და შემდეგ უკვე შედეგთან, რომ შეუძლებელია, ამან თქვენზე ზეგავლენა ვერ მოახდინოს. ყველა ვყოფილვართ ბავშვები, ან გვყავს შვილები, სწორედ ამ სერიალით გაიგებთ, რას ნიშნავს, როცა ბულინგის მსხვერპლი ხარ.

- თინეიჯერები ხშირად იკეტებიან საკუთარ თავში, ხდებიან ზედმეტად ინტროვერტები და ემალებიან ყველას და ყველაფერს... სერიალის მთავარი გმირებიც ჩაკეტილი თინეიჯერები არიან, რომლებმაც იპოვნეს საკუთარ თავში ძალა, უფრო სწორად, ზოგიერთმა გაუძლო ამას, ზოგმა კი ვერ...

- აქ ბანალურ სიყვარულის ისტორიას არ შეხვდებით. სერიალის მთავარი გმირები დაგარწმუნებენ იმაში, რომ სიყვარულს ყოველთვის გააჩნია თავისი ადგილი ყველა ადამიანის ცხოვრებაში. მიუხედავად იმისა, თუ რამდენად უინტერესო ჩანს ადამიანი მის მიმართ.

- ჩემთვის ეს პერსონაჟი ძალიან ბევრს ნიშნავს. ამ პერსონაჟში უამრავი თვისებაა თავმოყრილი, როგორც უარყოფითი, ისე დადებითი. შეუძლებელია, რომ სერიალში ყველაზე დიდი ემოციური კავსირი მასთან არ იგრძნოთ. მისი სახით ძალიან ბევრი სიურპრიზი გელით სერიალში!

- შოუში თითქმის ყველა პერსონაჟს, თითქოს, ღია და გახსნილი ურთიერთობა აქვს მშობელთან, თუმცა მუდმივად ვხვდებით იმ ფაქტს, რომ თინეიჯერებს დასამალი ძალიან ბევრი აქვთ.

- თუ სერიალი გინახავთ, შეუძლებელია არ იცოდეთ „Night We Met”, “The Good Side”, “Washing Of The Water”, “Only You” და სხვა სიმღერები... თითოეულ ამ შედევრს თქვენს ცნობიერებაში სერიალთან დაკავშიებული მოგონებები ექნება და რამდენჯერაც მათ მოუსმენთ, სულ კლეი, ჰანა, ჯასტინი, ზაკი, ალექსი და ყველა ის საოცარი პერსონაჟი გაგახდენდებათ, რომლებმაც სერიალი შეგაყვარეს!

- მთელი ის პერიოდი, რასაც ნახავთ, მთავარი გმირი სევდასთან და სიკვდილთან ერთად ცხოვრობს. დამიჯერეთ, სერიალის დასრულებამდე და შემდეგაც, თქვენც სევდასთან ერთად იცხოვრებთ. 😁🤷🏻‍♂️

• •