ნაუაკი (縄樹, ნაუაკი) − გენინი კონოჰაგაკურეს სენჯუს კლანიდან, რომელიც ჰაშირამა სენჯუს შვილიშვილი და ცუნადეს უმცროსი ძმა იყო. ნაუაკის სურდა, რომ ბაბუის მსგავსად ჰოკაგე გამხდარიყო და სოფლის უსაფრთხოებაზე ეზრუნა, რის გამოც მეთორმეტე დაბადების დღეზე ცუნადემ მას პირველი ჰოკაგეს ყელსაბამი აჩუქა, რაც, ცუნადეს აზრით, მას მიზნის მიღწევაში დაეხმარებოდა. ნაუაკი მომდევნო დღეს, მტრის ნაღმის აფეთქების შედეგად გარდაიცვალა. თავისი ბუნებითა და გარეგნობით ნაუაკი ძალიან ჰგავდა ნარუტოს. აღნიშნული მსგავსების შესახებ სერიებშიც არაერთხელ გაჟღერდა.
