National Geographicბუნება & სამყაროსურათები

National Geographic – 2011 წლის ივნისის საუკეთესო 10 ფოტო

შემოდგომის ტყე, გერმანია. ფოტო გადაღებულია გერმანიის ქალაქ ჰამელინში, რომელიც ვირთხების განმდევნელი მესტვირის (გერმანული ფოლკლორი) დაბადების ადგილია. ეს არეალი ეკუთვნის ქვედა საქსონიას, ტერიტორია უმეტესად დაბლობი ადგილი და ვაკეებია.


გამოქვაბული იუკატანის ნახევარკუნძულზე. იუკატანზე უამრავი ბუნებრივი ჭა, თხრილი თუ გამოქვაბულია, რომლებიც სილამაზითა და უნიკალურობით გამოირჩევიან. ზოგიერთი მათგანი განათებულია, ზოგიერთი მდიდარია სტალაქტიტებითა და სტალაგმიტებით, კრისტალურად სუფთა წყლით.


მზის ამოსვლა ბაგანის ჰორიზონტზე. მიანმას ქალაქი ბაგანი ცნობილია 4000-ზე მეტი ბუდისტური ტაძრით, რომლებიც გაშენებულია ბრტყელ მტვრიან დაბლობზე. საუკეთესო დრო ქალაქის სიშვიდით დასატკბობად არის განთიადი და ბინდი.


ლეოპარდი სამხრეთ აფრიკაში. ცვრიან დილას ახალგაზრდა ლეოპარდი წაქცეულ ხეზე ზის და სხეულს ილოკავს. სხვა დიდ კატებთან შედარებით, ლეოპარდი უფრო მორცხვია და იშვიათად ჩნდება. თუმცა ეს იმის გამოცაა, რომ სანადიროდ ღამით გამოდიან. ღონიერი და საუცხოო არსება ლეოპარდი იმ სახეობებში შედის, რომლებიც ადამიანთა ბარბაროსული საქციელის გამო დღითიდღე ცოტავდებიან.


ქუჩის სცენა, ჰავანა. კუბელი მამაკაცი საღამოს აივნიდან იყურება და აკვირდება ქუჩაში მოფუსფუსე ხალხსა და მოძრავ ავტომობილებს, ამასთან ცხელი დღის გასვლის შემდეგ სუფთა ჰაერს ისუნთქავს.


ნაყინის გამყიდველი, საბერძნეთი. გადაღებულია საბერძნეთის კუნძულ როდოსზე. ახალგაზრდა მამაკაცი, რომელიც მანქანას ფლობს, საკურორტო სეზონის დროს ნაყინის გაყიდვითაა დაკავებული და ყველა შემხვედრს თავაზიანად ესალმება.


მთვარის ამოსვლა კარიბის ზღვაზე. ტურისტი მეზობლები საღამოთი თავიანთ ქოხებში ისვენებენ, თან აკვირდებიან კარიბის ზღვიდან მთვარის ამოსვლის პროცესს და ყურებით თვალს ატკბობენ.


მატარებლით მგზავრობა, სტამბული. ფოტო გადაღებულია მაშინ, როცა მატარებელი შეჩერდა გალათას ხიდთან. ეს ის ხიდია, რომელიც სტამბულს დასავლური, უფრო ლიბერალური სამყაროსგან ჰყოფს, მეორე მხარეს კი ტრადიციული ისლამური საზოგადოებაა.


ნისლი სპოკანში. ჩრდილო-დასავლეთ ამერიკის ქალაქი ვაშინგტონის შტატში, რომელიც ტურისტებისა და ფოტოგრაფებისთვის შესანიშნავი ადგილია. საღამოთი ხშირად მთელი ქალაქი ნისლში ეხვევა, რასაც ქუჩის განათება ლამაზ ელფერს აძლევს და მოსიარულე ადამიანების სილუეტს კვეთს.


ტოკიოს ტაქსი. ტოკიოს წვიმიან დღეს, როცა ხალხი შენობებს ეფარებოდა, მოულოდნელად გამოჩნდა ტაქსი, რომელიც იაპონელებისა და მათი ფერადი ქოლგების გარემოცვაში აღმოჩნდა შინჯუკუს გადატვირთულ გზაჯვარედინზე.

Source
https://charlius.com/

Related Articles

კომენტარის დამატება

Back to top button